عاشق اور ہم

عاشق اور ہم

                         SAd

لوگ مختلف غم سینے میں چھپاتے ہیں

مگر ہم تو عجب درد دل میں بساتے ہیں

لوگ عشق اور محبت میں چوٹ کھاتے ہیں

مگر ہم تو عجب ہی گل کھلاتے ہیں

لوگوں کو تو محبوب مل جائے

تو ڈنکا سارے شہر میں بجاتے ہیں

نہ ملے تو رو دھو کر دل بہلاتے ہیں 
اپنا دکھڑا ساری دنیا کو بتلاتے ہیں

مگر ہم پر تو کامیابی بھی ناکامی بن کر ٹوٹتی ہے

بہترین نہیں تو پھر طعنوں سے بھی کام چلاتے ہیں

ان کی محبوب کو پانے کی چاہ انہیں جینے نہیں دیتی

مگر ہم تو اپنی محنت کے صلے سے خوش ہوجاتے ہیں

وہ راتوں کو جاگنے کا قصہ ساری دنیا کو بتلاتے ہیں

مگر ہم نیند سے بھڑ کر کتابوں میں سر کھپاتے ہیں 

ان میں تو محبوب سے بات کرنے کی سکت بھی نہیں ہوتی

مگر ہم تو دنیا جہاں کی رنجشوں کو سہتے چلے جاتے ہیں

بیچارے وہ لوگ جب جدائی سے ہاتھ ملاتے ہیں

ہم دنیا فتح کرنے کے خواب آنکھوں میں سجاتے ہیں

ان لوگوں کو کوئی کمائی شامائی کی فکر نہیں ہوتی

وہ تو بس دل لگی کے ساز گن گناتے ہیں

ہم سے پوچھے بھلا کوئی ڈھیلا جیب میں نہیں

اور اسٹیو جاب کو موبائل چلانا سکھاتے ہیں

ان لوگوں کی سوچ تو بہت محدود ہوتی ہے

مگر ہم شہزادے تو ہر فن مولا کہلاتے ہیں

شکر کرو ان لوگوں کی کوئی ادارہ باز پرس نہیں کرتا

ہم سے پوچھو یہ یونیورسٹی والے کیسے ظلم ڈھاتے ہیں

ان کو تو دنیا والے ہیر، رانجھا، اور مجنو کے خطاب نوازتے ہیں
مگر ہمیں نکمے، کم چور اور ہڈحرام کی اصطلاح میں لاتے ہیں

وہ لوگ تو پھر بھی سچے عاشق کہلاتے ہیں

مگر ہم کیا بتائیں؟؟ ہم تو طالبعلم کہلاتے ہیں




کچھ چیزوں کو اپنے سر لینے سے خوشی ہوتی ہے مگر اس کو میں اپنے سر نہیں لینا چاہتا. مجھے ڈر ہے کہ لوگ اس کا غلط مطلب لینگے اور میری پرانی نظموں کو ذہن میں رکھتے ہوئے یہ سمجھیں گے کہ میں تعلیم کہ خلاف ہوں. نہیں ہرگز نہیں بلکہ میں تو تعلیم کا بہت بڑا حامی ہوں. تعلیم حاصل کرنا ہر مسلمان پر فرض ہے تو میں کیسے غلط بات کہہ سکتا ہوں. میں تو اصل میں اس تعلیمی نظام کے خلاف ہوں اور اس کے ہی خلاف لکھتا ہوں اور اس میں جو کمیاں ہیں وہ بیان کرتا ہوں. میں شاید اگر زندگی رہی تو اپنی نظم میں یا کسی مضمون میں اپنا تعلیمی ماڈل پیش کروں جس میں آپ لوگوں کے سب ابہام دور ہو جاینگے.

اگر اس نظم میں کوئی غلطی کوتاہی نظر آئے تو نشاندہی کر دی جئے گا.

شکریہ !!!!